अथियाने ३ शब्दात व्यक्त केल्या मनातील भावना; केएल राहुलच्या फलंदाजीपेक्षा पत्नीच्या इंस्टा स्टोरीची चर्चा जास्त

लखनौ: केएल राहुलच्या नेतृत्वाखाली खेळणाऱ्या लखनौ सुपर जायंट्सने शुक्रवारी रात्री चेन्नई सुपर किंग्जवर ८ विकेटनी शानदार विजय साकारला. या सामन्यात लखनौचा कर्णधार राहुलने धमाकेदार फलंदाजी केली. त्याने चेन्नईच्या गोलंदाजांची बेदम धुलाई करत अर्धशतक झळकावले.

चेन्नई विरुद्धच्या खेळीमुळे चर्चेत आलेल्या राहुल सोबत आता त्याची पत्नी आणि अभिनेत्री अथिया शेट्टीने शेअर केलेल्या एका पोस्टची चर्चा होत आहे. राहुलला नेहमीच अथियाचा पाठिंबा असतो. याआधी अनेकदा अथिया राहुलला सपोर्ट करताना दिसली आहे. राहुलच्या प्रत्येक मॅचला ती स्टेडियमवर उपस्थित राहून त्याला प्रोत्सहान देत असते. आता चेन्नईविरुद्धच्या सामन्यात अर्धशतक करणाऱ्या राहुलसाठी अथियाने एक खास स्टोरी शेअर केली आहे.

राहुलने चेन्नईविरुद्ध अर्धशतक पूर्ण करताच पत्नी अथियाने इंस्टाग्रामवर एक स्टोरी शेअर केली. अथियाने राहुलने अर्धशतक केल्यानंतरचा टीव्हीचा फोटो क्लिक केलाय. ज्यात राहुलने ३१ चेंडूत ५५ धावा केल्याचे दिसते. ही स्टोरी पोस्ट करताना अथियाने And this Guy असे म्हणत हार्टची इमोजी वापरली आहे.

लखनौच्या घरच्या मैदानावर झालेल्या या लढतीत राहुलने १५४च्या स्ट्राइक रेटने धावा केल्या. त्याने ५३ चेंडूत ८२ धावांची खेळी साकारली. ज्यात ९ चौकार आणि ३ षटकारांचा समावेश होता. या लढतीत लखनौने टॉस जिंकून प्रथम गोलंदाजी करण्याचा निर्णय घेतला होता. चेन्नईने २० षटकात ६ बाद १७६ धावा केल्या. उत्तरादाखल लखनौने विजयाचे लक्ष्य १९ षटकात फक्त २ विकेटच्या बदल्यात पार केले.

चेन्नईविरुद्धच्या लढतीनंतर लखनौचे ७ सामन्यात ४ विजय आणि ३ पराभवासह ८ गुण झाले आहे. गुणतक्त्यात ते पाचव्या स्थानावर आहेत. त्यांचे नेट रनरेट प्लस ०.१२३ इतके आहे.

लखनौ सुपर जायंट्सचा आतापर्यंतचा प्रवास

राजस्थानविरुद्ध २० धावांनी पराभव

पंजाबविरुद्ध २१ धावांनी विजय

बेंगळुरूविरुद्ध २८ धावांनी विजय

गुजरातविरुद्ध ३३ धावांनी विजय

दिल्लीविरुद्ध ६ विकेटनी पराभव

कोलकाताविरुद्ध ८ विकेटनी पराभव

चेन्ईविरुद्ध ८ विकेटनी विजय

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-20T14:12:30Z dg43tfdfdgfd