किस देणं पडलं महागात, बीसीसीआयने थेट बंदीच घातली, आयपीएलमधील गंभीर प्रकरण जाणून घ्या

नवी दिल्ली : किसं देणे किती महागात पडू शकतं, याचा प्रत्यय आता पुन्हा एकदा आला आहे. आयपीएलचा सामना सुरु असताना एका खेळाडूने किस दिला आणि त्याच्यावर बीसीसीआयने बंदी घातली आहे. त्याचबरोबर या खेळाडूच्या मानधनाची १०० टक्के रक्कम दंड स्वरुपात कापण्यात येणार आहे.

कोणत्या खेळाडूवर झाली गंभीर कारवाई, पाहा....

केकेआर आणि दिल्ली यांच्यात सोमवारी सामना झाला. या सामन्यामध्ये केकेआरच्या हर्षित राणावर बीसीसीआयने ही कडक कारवाई केली आहे. हा सामना सुरु असताना राणाने किस दिला आणि त्यांनतर बीसीसीआयने आज त्याच्यावर ही कडक कारवाई केली आहे.

नेमकं घडलं तरी काय, जाणून घ्या...

केकेआरने या सामन्यात दिल्ली कॅपिटल्सच्या फलंदाजांचे वस्त्रहरण केले. त्यामुळेच दिल्लीच्या संघाला मोठी धावसंख्या उभारता आली नाही. या सामन्यात केकेआरच्या हर्षित राणाने दिल्लीच्या दिल्ली कॅपिटल्सच्या अभिषेक पोरेलला १८ धावांवर बाद केले. त्यानंतर राणाने पोरेलला फ्लाइंग किस दिला आणि त्यानंतर आपल्या बोटाने त्याला पेव्हेलियनच्या दिशेने जाण्यास सांगितले. क्रिकेटच्या नियमांनुसार हे योग्य नाही. तुम्ही एखाद्या खेळाडूबरोबर असे कृत्य करू शकत नाही. त्यामुळे बीसीसीआयने ही गोष्ट प्रथम राणाला सांगितली. राणाने आपली चूक मान्य केली. त्यानंतर बीसीसीआयने त्याच्यावर बंदीची कारवाई केली आहे.

किती सामन्यांची बंदी घालण्यात आली आहे...

बीसीसीआयच्या नियमानुसार दुसऱ्यांदा एकच चूक केली तर त्याच्यावर बंदीची कारवाई करण्यात येते. यापूर्वी राणाने सनरायझर्स हैदराबादविरुद्धच्या सामन्यात मयांक अगरवालला बाद केले होते आणि त्यानंतर राणानेच असाच फ्लाइंग किस देत त्याला पेव्हेलियनच्या दिशेने जाण्यास सांगितले होते. त्यावेळी राणाच्या मानधनातून ६० टक्के रक्कम ही कापण्यात आली होती आणि त्याला ताकिद देण्यात आली होती. त्यानंतर पुन्हा राणानेच तीच चूक केली. त्यामुळे आता राणावर एका सामन्याची बंदी घालण्यात आली आहे आणि त्याच्या मानधनातून १०० टक्के रक्कम दंडाच्या स्वरुपात कापली जाणार आहे.

केकेआरच्या संघाने दिल्ली कॅपिटल्सच्या संघावर या सामन्यात दमदार विजय मिळवला होता. या विजयाचे जोरदार सेलिब्रेशन केकेआरच्या संघाने केले होते. त्यानंतर केकेआरच्या संघासाठी आता मंगळवारी ही वाईट बातमी आली आहे. त्यामुळे आता राणाला पुढच्या सामन्यात खेळता येणार नाही. यापूर्वीही राणाने सारखीच चूक केली होती. त्यावेळी त्याला ताकिदही देण्यात आली होती. पण त्यानंतर त्याच्यामध्ये कोणताच फरक पडला नाही, त्याने सारखीच चूक केली. त्यामुळे त्याच्यावर बंदीची कारवाई बीसीसीआयने केली आहे.

राणावर आता एका सामन्याची बंदी घालण्यात आली आहे. त्यामुळे यापुढे तो ही चूक करण्यास पुन्हा धजावणार नाही, असे दिसत आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-30T14:13:45Z dg43tfdfdgfd