ट्रोलिंगमुळे हार्दिकचं मानसीक संतुलन बिघडलंय, भारतीय खेळाडूची चाहत्यांना कळकळीची विनंती

नवी दिल्ली : मुंबई इंडियन्सची कामगिरी यंदाच्या आयपीएलमध्ये चांगली होताना दिसत नाही. या गोष्टीचे कारण मुंबईच्या कर्णधारपदात झालेला बदल आहे, असे चाहत्यांना वाटते. हार्दिकला कर्णधार झाल्यापासून चाहते अत्यंत नाखुश आहेत. त्यामुळे हार्दिकला चाहत्यांचा टिकेला आणि ट्रोलिंगला सामने जावे लागत आहे. या ट्रोलिंगमुळे आता हार्दिकचे मानसीक संतुलन बिघडले आहे, त्यामुळे भारताच्या क्रिकेटपटूने चाहत्यांना एक कळकळीची विनंती केली आहे.

हार्दिक पंड्यावर होणारे ट्रोलिंग थांबवण्यासाठी काही खेळाडू चाहत्यांना समजवताना दिसत आहेत. या यादीत भारतीय माजी क्रिकेटपटू रॉबिन उथप्पाचं नावही जोडलं गेलं आहे. नुकत्याच 'रणवीर शो' नावाच्या पोडक्सटमध्ये रॉबिनने हार्दिकचे समर्थन करत पंड्याला होणाऱ्या मानसिक समस्यांचा उल्लेख केला आहे. हे जे काही ट्रोलिंग चालले आहे त्याचा त्याच्या मानसिकतेवर फरक पडत नसेल का, असा प्रश्न त्याने विचारला आहे. आपण संघासाठी भावूक आहात हे मला कळते, पण त्यामुळे आपण कोणाशीही असे वागू शकत नाही, असेही उथप्पाने यावेळी सांगितले.

उथप्पा म्हणाला की, " जिंकणे हरणे हा खेळाचा भाग आहे. आमच्या कामाचे प्रदर्शन होते त्यामुळे लोकांना टिका करण्यासाठी मैदान मोकळे मिळते. हेच तुम्ही सामन्य नोकरी दारांसोबत नाही करू शकत. कोणावरही इतकी टीका करू नका ज्याने त्याचा मानसिकतेवर परिणाम होईल. हार्दिकला एवढे ट्रोल करण्यात आले आहे की, त्याचे मानसीक संतुलन बिघडल्याचे दिसत आहे. त्याचबरोबर तो डिप्रेशनमध्ये जाईल की काय, अशी भितीही वाटत आहे. हार्दिक एक चांगला खेळाडू आहे. त्याच्यामध्ये चांगली गुणवत्ता आहे. रोहितला काढून हार्दिकला मुंबई इंडियन्सने कर्णधार केले. त्यानंतर हार्दिकला भयंकर पद्धतीने ट्रोल केले जात आहे. हे ट्रोल करणे थांबवा, अशी कळकळीची विनंती मी आपल्याला करत आहे."

गेल्या चार सामन्यात मुंबईच्या संघाने तीन विजय मिळवले आहे. हंगामाच्या वाईट सुरूवाती नंतर गुणतालिकेत ते सहाव्या स्थानी पोहोचले आहेत. सोमवारी राजस्थान रॉयल्स विरूद्ध ते ८वा सामना खेळणार आहे. हा सामना राजस्थानच्या घरच्या मैदानात होणार आहे. राजस्थन सध्या गुणतालिकेत अव्वल स्थानी असलेला संघ आहे. यापूर्वी राजस्थानने वानखेडेमध्ये झालेल्या मुंबईविरूद्ध सामन्यात मुंबईच्या गोलंदाजांचा चांगलाच समाचार घेतला होता आणि विजय मिळवला होता. या सामन्यात मुंबईचा संघ पराभवाची परतफेड कशी करेल यावर चाहत्यांचा नजरा नक्कीच असतील.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-22T12:32:57Z dg43tfdfdgfd