तुषार देशपांडे आणि पथिराणा चेन्नईच्या संघाबाहेर, कर्णधार ऋतुराजने सांगितलं खरं कारण...

नवी दिल्ली : चेन्नई सुपर किंग्सच्या संघाला एकामागून एक दोन धक्के बसले आहेत. कारण चेन्नईचे तुषार देशपांडे आणि मथिषा पथिराणा हे दोन्ही वेगवान गोलंदाज संघाबाहेर गेले आहेत. चेन्नईचा आज पंजाबशी सामना होणार आहे. पण हा सामना सुरु होण्यापूर्वीच चेन्नईच्या चाहत्यांना मोठा धक्का बसला आहे. तुषार आणि पथिराणा संघाबाहेर का गेले आहेत, याची माहिती कर्णधार ऋतुराज गायकवाडने दिली आहे.

चेन्नईचा हा ९ वा सामना आहे. या ९ सामन्यांमध्ये चेन्नईने पाच विजय मिळवले आहेत, तर चार सामन्यांत त्यांना पराभव पत्करावा लागला आहे. या पाच विजयांसह चेन्नईच्या खात्यात १० गुण आहेत. या १० गुणांसह चेन्नईचा संघ हा आता पॉइंट्स टेबलमध्ये चौथ्या स्थानावर आहे. पण चेन्नईने जर आता पंजाबचा सामना जिंकला तर त्यांना पॉइंट्स टेबलमध्ये थेट दुसऱ्या स्थानावर जाण्याची संधी असेल. पण हा सामना सुरु होण्यापूर्वी तुषार आणि पथिराणा मात्र संघाबाहेर गेल्याचे समोर आले आहे.

चेन्नई आणि पंजाब यांच्यातील सामन्यापूर्वी टॉस झाला. पंजाबने टॉस जिंकत प्रथम गोलंदाजी स्विकारली आणि त्यानंतर ऋतुराजने आपला चेन्नईचा संघ जाहीर केला. हा संघ जाहीर करत असताना ऋतुराज म्हणाला की, " आजच्या या पंजाबच्या सामन्यासाठी चेन्नईच्या संघात दोन बदल करण्यात आले आहेत. या सामन्यात तुषार देशपांडे आणि मथिशा पथिराणा खेळू शकणार नाहीत. कारण पथिराणाला दुखापत झाली आहे, तर तुषारची तब्येत बरी नाही. त्यामुळे हे दोघेही आजच्या सामन्यात खेळणात नाहीत. या दोघांच्या जागी चेन्नईच्या संघात शार्दुल ठाकूर आणि रीचर्ड ग्लीसन यांचा समावेश करण्यात आला आहे."

चेन्नईच्या संघात पंजाबच्या सामन्यासाठी आता दोन मोठे बदल करण्यात आले आहेत. त्यामुळे चेन्नईचा संघ आता या सामन्यात कशी कामगिरी करतो, याकडे सर्वांचे लक्ष असेल. या सामन्यात शार्दुल ठाकूरचे संघात पुनरागमन होत आहे. त्यामुळे कमबॅक करताना शार्दुल नेमका कशी कामगिरी करतो, याकडे सर्वांचे लक्ष लागलेले असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-01T14:17:41Z dg43tfdfdgfd