तेरी मेरी यारी मग... विराटच्या प्रश्नावर रोहितची भन्नाट प्रतिक्रीया, व्हिडिओमध्ये पाहा काय घडलं...

मुंबई : विराट कोहली आणि रोहित शर्मा यांच्यात विस्तवही जात नाही, असे म्हटले जात होते. कारण विराटनंतर रोहितकडे भारताचे कर्णधारपद आले आणि त्यानंतर दोघांमध्ये वितुष्ट निर्माण झाले, असे म्हटले जात होते. पण तरीही हे दोघे एकमेकांचा तेवढाच सन्मान करतात, हे पुन्हा एकदा पाहायला मिळाले. त्यामुळे यावेळी रोहित आणि विराट यांच्यातील एक विश्वास अन् हळवं नातं पाहायला मिळालं.

विराट कोहलीने रोहितबद्दल नेमकं काय केलं होतं...

विराट कोहली भारताच कर्णधार असताना ही गोष्ट घडली होती. २०२१ सालची ही गोष्ट आहे. त्यावेळी रोहित शर्मा हा चांगल्या फॉर्मात नव्हता. २०२१ साली झालेल्या टी-२० वर्ल्ड कपमध्ये रोहित अपयशी ठरला होता. त्यावेळी रोहित शर्माला यापुढेही संघात स्थान मिळणार का, असा प्रश्न एका पत्रकाराने विचारला होता. त्यावेळी विराट कोहली फक्त हसला होता आणि त्यामध्येच त्याने आपले उत्तर दिले होते.

रोहित शर्माने विराटच्या प्रश्नावर काय प्रतिक्रीया दिली, पाहा...

विराट कोहलीवर सध्या टीका केली जात आहे. विराट कोहलीचा स्ट्राइक रेट हा टी-२० क्रिकेटसाठी फार कमी आहे, असे म्हटले जात आहे. त्यामुळेच त्याला भारताच्या टी-२० वर्ल्ड कपच्या संघात का संधी द्यावी, असा प्रश्नही उपस्थित करण्यात आला होता. पण विराटला टी-२० वर्ल्ड कपच्या संघात स्थान दिले. त्यानंतर याबाबत रोहित शर्माला प्रश्न विचारण्यात आला. पत्रकार परिषद सुरु असताना एका व्यक्तीने रोहितला विराटच्या कमी स्ट्राइक रेटबद्दल प्रश्न विचारला होता. त्यावर रोहितने फक्त हसत हसत उत्तर दिले. यापूर्वी जे कोहलीने आपल्याबद्दल केले होते, तेच रोहितने केल्याचे पाहायला मिळाले.

या दोघांच्याही प्रतिक्रीयांचा अर्थ नेमका काय होतो, जाणून घ्या...

विराट आणि रोहित हे दोघेही प्रश्नावर उत्तर देताना हसले होते. या गोष्टीचा अर्थ असा होतो की, या दोघांना एकमेकांबद्दल आदर आहे. एका स्पर्धेवरून तुम्ही अनुभवी खेळाडूचे भवितव्य ठरवू शकत नाही. कारण अनुभवी खेळाडूची संघाला गरज असते आणि तो कोणत्याही क्षणी अद्वितीय कामगिरी करू शकतो. त्यामुळेच विराट असो किंवा रोहित, यांनी या प्रश्नावर थेट उत्तर देणे टाळले. कारण जर या दोघांनीही थेट उत्तर दिले असते तर नवा वाद पुन्हा सुरु होऊ शकला असता. त्यामुळे या दोघांनी वेगळ्यापद्धतीने कर्णधार असताना ही गोष्ट हाताळल्याचे पाहायला मिळाले.

विराट आणि रोहित यांच्यात वाद असल्याचे म्हटले जात होते. पण काळ बदलला आणि त्यानुसार दोघांमधील नातंदेखील बदललं असू शकतं. त्यामुळे रोहितनेही यावेळी विराट कोहलीच्या प्रश्नावर उत्तर दिले नाही.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-02T16:21:59Z dg43tfdfdgfd