१५१० षटकं, १४ हजार धावा... आतापर्यंच्या आयपीएलमध्ये नेमकं काय काय घडलंय पाहा

संजय घारपुरे : क्रिकेटेनमेंट अशी अनधिकृत बिरुदावली असलेल्या आयपीएलमध्ये धावांची सुनामी नाही झाली तर कसे चालेल. यावेळी तर धावगती कमी होण्यास तयारच नाही. या मोसमात षटकामागे सरासरी सहज नऊ धावा होत आहे. या मोसमात आत्तापर्यंत केवळ ६ हजार ८८० चेंडूंत ५०० षटकार मारले गेले आहेत. त्यावरून आयपीएलमधील धावांचे तुफानी लक्षात येईल.

यंदाच्या आयपीएलमध्ये जणू गोलंदाजांवर संक्रांत आणण्याचे ठरवले आहे. भारतात उष्णता वाढत आहे. त्यामुळे सगळे त्रासलेले आहेत. कदाचीत त्याचा राग तर गोलंदाजांवर काढला जात नाही ही परिस्थिती म्हणता येईल. आत्तापर्यंत म्हणजेच दिल्ली-गुजरात सामन्यापूर्वी या लीगमध्ये १५१० षटकांचा मारा झाला आहे. त्यातील दोनशेहून जास्त षटकांत किमान १५ धावा झाल्या आहेत. हे खूप वाटत असेल तर किमान वीस धावा दिलेली पन्नासहून जास्त षटके आहेत.

अर्थातच फलंदाजांची चार उंगलिया घी मे हीच परिस्थिती आहे. या मोसमात आत्तापर्यंत ५४ फलंदाजांनी किमान शंभर धावा केल्या आहेत. त्यापैकी केवळ सॅम करनचा स्ट्राईक रेट १२०पेक्षा कमी आहे. ३४ फलंदाजांचा स्ट्राईक रेट दीडशेपेक्षा जास्त आहे, तर चौघांचा दोनशेपेक्षा जास्त आहेत. या सर्वांत जॅक फ्रेझर (२२२.२२) आघाडीवर आहे. त्यापाठोपाठ अब्दुल समद (२१६.३६), ट्रॅव्हिस हेड (२१६) आणि अभिषेक शर्मा (२१५.९६) आहेत.

आयपीएल सुरू झाली, त्यावेळी षटकारांचा पाऊस पडण्यास सुरुवात झाली असे म्हंटले जात होते. त्यावेळी जवळपास साडेचार षटकांमागे एक षटकार मारला जात होता. आताचे प्रमाण निम्म्यावर आले आहे. नेमके सांगायचे तर २००९ मध्ये २६.३० चेंडूंमागे एक षटकार होता तर आता १३.२६ चेंडूंमागे.

धावांची सुनामी या लीगमध्ये किती येत आहे तर या मोसमात एकूण सहावेळा २४०पेक्षा जास्त धावा झाल्या आहेत. हे घडले ते केवळ पहिल्या ३९ सामन्यात. यापूर्वीच्या १६ मोसमातील १०२५ सामन्यांत मिळून हे एकूण सहावेळाच घडले होते.

उंचावणारी धावगतीमोसम धावगती

२०२४ ९.५१

२०२३ ८.९९

२०१८ ८.६४

२०२२ ८५४

२०१९ ८.४१

षटकारामागे चेंडूचे प्रमाणमोसम सरासरी चेंडू

२०२४ १३.२६

२०२३ १५.३३

२०१८ १५.८७

२०२२ १६.२०

२०१९ १७.७२

५०० षटकारासाठी चेंडूमोसम चेंडू

२०२४ ६८८०

२०१८ ७६८५

२०२३ ७७१६

२०२२ ७८२६

२०२० ९०२६

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-25T14:08:40Z dg43tfdfdgfd