टीम इंडियात सामील होताच फ्लॉप शो; शिवम दुबेच्या बॅटला लागलं ग्रहण, दोन सामन्यात गोल्डन डक

आयपीएल २०२४ मध्ये त्याच्या बॅटने केलेल्या कहरामुळे शिवम दुबेची टी-२० वर्ल्ड कपसाठी भारतीय संघात निवड झाली. मात्र विश्वचषक संघात निवड होताच शिवमचा चांगला फॉर्म गायब झाला. पंजाब किंग्ज विरुद्ध धरमशाला येथे खेळल्या जात असलेल्या सामन्यात दुबे सलग दुसऱ्यांदा खाते न उघडता पॅव्हेलियनमध्ये परतला. भारतीय संघात परतल्यापासून शिवमला आयपीएलच्या चालू मोसमात एकही धाव करता आलेली नाही.

टी-२० विश्वचषक २०२४ साठी भारतीय संघाची निवड ३० एप्रिल रोजी झाली. शिवम दुबेचाही १५ सदस्यीय संघात समावेश करण्यात आला आहे. टीम इंडियात निवड झाल्यानंतर शिवमने १ मे रोजी बॅट घेऊन पंजाब किंग्जविरुद्ध मैदानात उतरले. हरप्रीत ब्रारने खाते न उघडता पहिल्याच चेंडूवर शिवमला पॅव्हेलियनचा रस्ता दाखवला. यानंतर धर्मशालामध्ये शिवम मैदानावर आला. मात्र पुन्हा एकदा सीएसकेची फलंदाजी फ्लॉप झाली. यावेळी शिवमला राहुल चहरने त्याच्या फिरकीच्या चेंडूवर पायचीत केले. तो गोल्डन डकवर पॅव्हेलियनमध्ये परतला. म्हणजेच विश्वचषक संघात निवड झाल्यानंतर शिवमला दोन सामन्यांत एकही धाव करता आलेली नाही.

शिवम दुबेचा फिरकी गोलंदाजांविरुद्धचा विक्रम उत्कृष्ट आहे. यानंतरही तो सलग दोन सामन्यांत दोन चेंडूंवर फिरकीपटूविरुद्ध बाद झाला. खेळपट्टीवर फिरकी गोलंदाजांना विशेष मदत होत नाही. फिरकी गोलंदाजांमध्ये दुबेबद्दल प्रचंड भीती आहे. कर्णधार क्रीजवर असताना फिरकीपटूंना आक्रमणात आणत नाही. पण आता टी-२० विश्वचषक संघात निवड झाल्यानंतर त्याचा फॉर्म गेला आहे. टी-२० विश्वचषकात स्थान मिळण्यापूर्वी शिवम दुबेने आयपीएल २०२४ मध्ये ९ सामने खेळले होते. यामध्ये त्याने ३५० धावा केल्या. या काळात त्याचा स्ट्राइक रेट १७२ होता. दुबेने २६ षटकार आणि २४ चौकार मारले. यामुळेच निवडकर्त्यांनी रिंकू सिंगला बाहेर ठेवून त्याला संघात स्थान दिले.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-05T13:33:09Z dg43tfdfdgfd