रोहितने एका कृतीने जिंकली सर्वांची मनं, वाढदिवशी अपंग चाहत्याला दिली खास भेट, पाहा व्हिडिओ...
लखनौ : रोहित शर्माचा आज वाढदिवस आहे. ज्याचा वाढदिवस आहे, त्याला भेटवस्तू दिल्या जातात. पण रोहित शर्माने आपल्या वाढदिवशी एका अपंग चाहत्याला खास भेट दिल्याचे पाहायला मिळाले. या गोष्टीचा व्हिडिओ सध्याच्या घडीला चांगलचा व्हायरल झाला आहे. रोहित शर्माने ही खास कृती करत सर्वांची मनं पुन्हा एकदा जिंकली आहेत.
रोहित शर्माचा आज ३७ वा वाढदिवस आहे. रोहितच्या वाढदिवशी मुंबई इंडियन्सचा सामना लखनौ सुपर जायंट्सबरोबर आहे. त्यामुळे रोहितला मुंबईचा संघ विजयाचे गिफ्ट देणार का, याची उत्सुकता सर्वांना असेल. कारण मुंबईचा संघ सध्याच्या घडीला पराभवाच्या छायेत आहे. मुंबईला जर प्ले ऑफमध्ये पोहोचायचे असेल तर त्यांना हा सामना जिंकावा लागणार आहे. पण त्यासाठी लखनौच्या सामन्यात त्यांची कामगिरी कशी होते, हे सर्वा महत्वाचे असेल. त्याचबरोबर रोहित शर्माला वाढदिवशी मुंबईसाठी कशी कामगिरी करतो, याकडे सर्वांचे लक्ष असेल. पण वाढदिवशी रोहितच्या नावाची चर्चा ही त्याच्या चाहत्यामुळे होत आहे.
मुंबई इंडियन्सने एक व्हिडिओ शेअर केला आहे. त्यामध्ये एक अपंग चाहता आहे, ज्याला सूर्यकुमार यादव हा ऑटोग्राफ देत आहे. पण सूर्या हा त्याच्या जवळ गेला नाही. पण रोहित शर्मा मात्र आपल्या या चाहच्याच्या जवळ जाऊन त्याची विचारपूस करत असल्याचे समोर येत आहे. या चाहत्याने रोहित शर्माला आपल्याकडील जर्सी दिली आणि रोहितला ऑटोग्राफ द्यायला सांगितले. रोहितने आपली ऑटोग्राफ त्या जर्सीवर दिली. त्यानंतर या चाहत्याबरोबर रोहित शर्माने फोटोही काढल्याचे पाहायला मिळाले. या सर्व गोष्टींमुळे हा चाबता रोहितवर भारी खूष असल्याचे पाहायला मिळाले. रोहित शर्माना आपल्या वाढदिवशी या चाहत्याला आयुष्य भरासाठी एक गोड भेट दिली आहे.
रोहित शर्मा सध्याच्या घडीला भन्नाट फॉर्मात आहे. आज टी-२० वर्ल्ड कपसाठी भारतीय संघाची निवड करण्यात आली. यामध्ये रोहित शर्माला कर्णधारपदी कायम ठेवण्यात आले आहे. त्यामुळे आता टी-२० वर्ल्ड कपमध्ये रोहित शर्माच्या नेतृत्वाखाली भारतीय संघ खेळणार आहे.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-04-30T12:43:29Z dg43tfdfdgfd