केकेआरच्या विजयाने पॉइंट्स टेबलमध्ये मोठा उलटफेर, पाहा कोणता संघ ठरला आता अव्वल

लखनौ : केकेआरच्या संघाने लखनौच्या संघावर तब्बल ९८ धावांनी मोठा विजय साकारला. केकेआरने एवढा मोठा विजय मिळवला आणि पॉइंट्स टेबलमध्ये झाला आहे. केकेआरच्या या विजयामुळे पॉइंट्स टेबलचे गणितच बदलले आहे.

लखनौच्या सामन्यापूर्वी केकेआरच्या संघाने १० सामने खेळले होते. या १० सामन्यांमध्ये त्यांनी सात विजय मिळवले होते, तर तीन पराभव त्यांना पत्करावे लागले होचे. या सात सामन्यांतील विजयांसह केकेआरचे १४ गुण झाले होते. या १४ गुणांसह ते दुसऱ्या स्थानावर होते. केकेआरच्या संघाने आज ११ वा सामना खेळला. आपल्या ११ व्या सामन्यात केकेआरने लखनौच्या संघावर मोठा विजय साकारला. त्यामुळे केकेआरच्या संघाला दोन गुण मिळाले. या दोन गुणांसह केकेआरच्या संघाचे आात १६ गुण झाले आहेत. पण केकेआर आणि राजस्थान या दोघांचे आता समान १६ गुण झाले आहेत, पण अव्वल स्थानावर कोणता संघ ठरला हे आता समोर आले आहे.

केकेआर आणि राजस्थान यांचे आता समना १६ गुण आहेत. जेव्हा दोन्ही संघांचे गुण समान होतात तेव्हा नेट रन रेटच्या जोरावर कोणता संघ अव्वल हे ठरवले जाते. या सामन्यानंतर राजस्थानच्या संघाचा रन रेट हा ०.६२२ एवढा आहे. या सामन्यापूर्वी राजस्थानचा संघ अव्वल स्थानावर विराजमान होता. पण या सामन्यानंतर त्यांचे केकेआरबरोबर समान गुण झाले आहेत. केकेआरने लखनौवर ९८ धावांनी दणदणीत विजय साकारला. या विजयानंतर केकेआरचा नेट रन रेट हा १.४५३ एवढा झाला आहे. राजस्थानपेक्षा केकेआरचा रन रेट हा जास्त आहे आणि त्यामुळेच आता केकेआरच्या संघाने राजस्थानला धक्का देत अव्वल स्थान पटकावले आहे.

राजस्थान आणि केकेआर या दोन्ही संघांचे १६ गुण आहेत. त्यामुळे केकेआर आणि राजस्थान या दोन्ही संघांनी आता प्ले ऑफमध्ये जवळपास प्रवेश केला आहे. कारण गुणतालिकेत पहिले चार संघ हे प्ले ऑफमध्ये पोहोचत असतात. त्यामुळे केकेआर आणि राजस्थान हे जवळपास प्ले ऑफमध्ये पोहोचले आहेत.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-05T18:34:01Z dg43tfdfdgfd