IPL 2024 FINAL : श्रेयसने कमिन्सकडे का मागितले तब्बल २० कोटी, व्हिडिओमध्ये पाहा घडंलं तरी काय

चेन्नई : आयपीएलच्या फायनलला सुरुवात होण्यापूर्वी आता एक भन्नाट गोष्ट समोर आली आहे. या सामन्यासाठी केकेआर आणि हैदराबाद हे दोन्ही संघ सज्ज झाले आहेत. पण या दोन्ही संघांच्या कर्णधारांमध्ये मात्र चांगलाच किस्सा रंगला. त्यावेळी केकेआरचा कर्णधार श्रेयस अय्यरने हैदराबादच्या पॅट कमिन्सकडे तब्बल २० कोटी रुपये मागितले. हे २० कोटी रुपये त्याने का मागितले, ते एका व्हिडिओमधून स्पष्ट होत आहे. आयपीएलच्या फायनलपूर्वी हा व्हिडिओ चांगलाच व्हायरल झाला आहे. गुणतालिकेतील दोन अव्वल संघ आता एकमेकांच्या आमने सामने येऊन जेतेपदासाठी शेवटची लढाई लढणार आहेत. या सामन्यापूर्वी दोन्ही संघांच्या कर्णधारांमध्ये एकमेकांची फिरकी घेताना पाहायला मिळाले. यांचा विनोदी संवाद पाहून चाहत्यांचेही हसू अनावर झाले. अंतिम सामन्यापूर्वी श्रेयस अय्यर आणि पॅट कमिन्स यांचे फोटोशूट करण्यात आले या दरम्यान दोघांचाही विनोदी अंदाज पाहायला मिळाला. त्यातील एका व्हिडिओत श्रेयस रिक्षा चालकाच्या भूमिकेत दिसत असून पॅट कमिन्स प्रवाश्याच्या रूपात दिसत आहे. आयपीएल विजेत्याला बक्षाीस म्हणून २० कोटीची रक्कम दिली जाते. तर याच गोष्टीची थट्टा करत श्रेयस कमिन्सकडून रिक्षाचे भाडे म्हणून २० कोटी मागताना दिसत आहे. या खेळाडूंचा मजेशीर अंदाज चाहत्यांनाही पहिल्यादांच बघायला मिळाला.

या मोसमात अनेक विक्रम मोडले आणि रचले गेले आहेत. हंगामात फलंदाजीचा दबदबा राहीला असला तरी गोलंदाजांनीही चेंडूने कमाल केली आहे. अती तटी च्या सामन्यात कोण विजयी ठरेल आणि कोणता संघ अंतिम फेरीत पोहोचेल याची वाट बघता बघता पर्वाचा शेवट तोंडाशी आला आहे. असे असताना कोलकाता चौथ्यांदा तर हैदराबाद तिसऱ्यांदा आयपीएल फायनल खेळणार आहे. क्वालिफायर १ मध्ये हे दोन्ही संघांमध्ये अंतिम फेरीत प्रवेश करण्यासाठी झडप झाली होती. मात्र आता विजेतेपद कोण आपल्या नावी करणार यासाठी हे दोन संघ आर या पारची लढाई लढणार आहेत.

आयपीएल २०२४ फायनलसाठी दोन्ही संघांचे खेळाडू

कोलकाता नाइट राइडर्स: श्रेयस अय्यर (कर्णधार), के. एस. भरत, रहमानुल्लाह गुरबाज, रिंकू सिंह, अंगकृष रघुवंशी, शेरफेन रुदरफोर्ड, मनीष पांडे, आंद्रे रसेल, नीतिश राणा, वेंकटेश अय्यर, अनुकूल रॉय, रमनदीप सिंह, वरुण चक्रवर्ती, सुनील नरायण, वैभव अरोड़ा, चेतन सकारिया, हर्षित राणा, सुयश शर्मा, मिशेल स्टार्क, दुष्मंथा चमीरा, साकिब हुसैन, मुजीब उर रहमान, गट एटिकिंसन, अल्लाह गजांफर.

सनराइजर्स हैदराबाद: अभिषेक शर्मा, ट्रेविस हेड, हेनरिक क्लासेन , एडेन मार्करम, अब्दुल समद, नितीश रेड्डी, शाहबाज अहमद, पॅट कमिंस (कर्णधार), भुवनेश्वर कुमार, जयदेव उनादकट, टी नटराजन, मयंक मार्कंडे, उमरान मलिक, अनमोलप्रीत सिंह, ग्लेन फिलिप्स , राहुल त्रिपाठी, वॉशिंग्टन सुंदर, उपेंद्र यादव, जे सुब्रमण्यन, सनवीर सिंह, विजयकांत व्यासकांत, फजलहक फारूकी, मार्को यानसेन, आकाश महाराज सिंह, मयंक अग्रवाल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-05-26T13:33:36Z dg43tfdfdgfd