मुंबई : भारताचे माजी आंतरराष्ट्रीय क्रिकेटपटू सचिन तेंडुलकर यांची मुलगी सारा तेंडुलकर वैयक्तिकआयुष्यामुळे सतत चर्चेत राहते. एवढेच नाही तर सारा क्रिकेटच्या सामन्यांमध्ये भारतीय संघाला प्रोत्साहन करताना देखील अनेकदा स्टेडियममध्ये झळकली आहे. सारा सुंदर त्वचा आणि अनोख्या फॅशनसाठी सोशल मीडियावर प्रसिद्ध आहे.
दिवसोंदिवस साराच्या सोशल मिडियावरील चाहत्यांची संख्या वाढत असताना दिसत असून आता नुकताच साराने तिच्या सोशल मिडियावर एक नवीन फोटो शेअरकरत सुंदर त्वचेचे रहस्य सांगितले आहे. पाहा काय म्हणाली ती…
सारा बनली ब्युटी ब्रँडची ॲम्बेसेडर
सौंदर्य आणि निखळ त्वचेसाठी ओळखल्या जाणाऱ्या साराने धीरुभाई अंबानीमधून शालेय शिक्षण घेतले तर लंडनच्या युनिव्हर्सिटी कॉलेज ऑफ लंडन (युसीएल) येथुन वैद्याकीय पदवी घेतली. २०२१ मध्ये आयकॉनिक फॅशन ब्रँड सेल्फ-पोर्ट्रेटच्या कॅमपेनमध्ये भाग घेऊन मॉडेलिंग इंडस्ट्रीत ओळख मिळवली. आता साराने प्रसिद्ध कोरियन स्किनकेअर ब्रँड लानेजची (Laneige) ब्रँड ॲम्बेसेडर म्हणून ब्युटी इंडस्ट्रीत आपला प्रवास सुरू केला आहे.
साराचे ब्युटी इंडस्ट्रीत पदार्पण
साराची लानेजसोबतचा करत कारकिर्दीतील एक नवा अध्याय सुरू करेल. सारा लोकांना आत्मविश्वास आणि प्रामाणिकपणाने आपले सौंदर्य व निखळ त्वचा आत्मसात करण्यास प्रेरित करत आहे. साराने लानेजमध्ये ॲम्बेसेडरच्या भूमिकेत सौंदर्याचा प्रसार करत हे कोरियन स्किनकेअर त्वचेवर लावत असतानाचे काही फोटो अधिकृत सोशल मिडियावर शेअर केले.
सारा तिच्या साधेपणा आणि सिंपल लुकसाठी नेहमीच चर्चेत राहते आणि सोशल मिडियावर वेगवेगळ्या लुकचे फोटो शेअर करते. साराच्या या फोटोंना चाहत्यांकडून भरभरून प्रेम मिळतं. लानेजचे उत्पादनांचे प्रचार करतानाचे फोटो आता व्हायरल होत असून या फोटोच्या माध्यमातून साराने या ब्रँडसोबत जोडले गेल्याची घोषणा केली. ‘मला लानेजचा चेहरा होऊन अत्यंत आनंद होत आहे. माझ्या उजळत्या आणि चमकत्या त्वचेसाठी मी बर्याच काळापासून लानेजचा वापर करत आहे,’ असे तिने फोटो मार्फत सांगितले आहे.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-05-04T07:58:31Z dg43tfdfdgfd