SAURABH NETRAVALKAR : पाकिस्तानचे पॅकअप पण सौरभ नेत्रावळकरचे टेंशन मात्र वाढले, पाहा काय ठरलंय मोठं कारण...
न्यूयॉर्क : पाकिस्तानचा संघ आता टी-२० वर्ल्ड कपच्या बाहेर पडला आहे. पण पाकिस्तानचे पॅकअप झाल्यावर आता अमेरिकेचा वेगवान गोलंदाज सौरभ नेत्रावळकरचे टेंशन वाढलेले आहे. कारण एक मोठी गोष्ट आता समोर आलेली आहे.
मुंबईत जन्मलेला सौरभ नेत्रावळकर आता अमेरिकेच्या संघातील हुकमी एक्का ठरला आहे. कारण सुपर ओव्हर असो किंवा रोहित आणि विराटची विकेट, सौरभने अमेरिकेच्या संघाला घवघवीत यश मिळवून दिले आहे. त्यामुळे अमेरिकेच्या संघासाठी तो एक मॅचविनर ठरत आहे. अमेरिकेचा सामना पावसामुळे रद्द करण्यात आला आणि त्यानंतर पाकिस्ताना संघ वर्ल्ड कपच्या बाहेर पडला. पण त्यामुळे सौरभचे टेंशन का वाढले आहे, हे आता समोर आले आहे.
सौरभला भारताच्या संघाकडून खेळण्याची संधी मिळाली नाही. त्यामुळे तो अमेरिकेत नोकरी शोधण्यासाठी गेला. नोकरी करताना सौरभने आपली क्रिकेटची आवड जोपासली. सुट्टीच्या दिवशी तो क्रिकेट खेळायला लागला आणि आपल्या भेदक गोलंदाजीमुळे तो कमी वेळातच प्रसिद्ध झाला. त्यामुळे त्याला अमेरिकेच्या संघाकडून खेळण्यासाठी बोलावण्यात आले. सौरभ चाचणीत पास झाला आणि तो अमेरिकेच्या संघात दाखल झाला. त्यानंतर सौरभने मागे वळून पाहिले नाही. पण आता मात्र सौरभला टेंशन आले आहे ते कामाचे. कारण सौरभ हा ऑरॅकल या नामांकित कंपनीत कामाला आहे. सौरभने आपण टी-२० वर्ल्ड कप खेळत असल्यामुळे आपल्याला कामात मुभा देण्यात यावी, अशी विनंती कंपनीला केली होती. ही विनंती कंपनीने मान्य केली होती. आता पाकिस्तान वर्ल्ड कपमधून आऊट झाला आणि दुसरीकडे अमेरिकेचा संघ सुपर - ८ फेरीमध्ये दाखल झाला आहे. पण आता सौरभला जर सुपर - ८ फेरीत खेळायचे असेल तर त्यांना पुन्हा कंपनीला मुभा देण्याची विनंती करावी लागणार आहे. जर कंपनीने त्याला मुभा दिली तरच त्याला यापुढे वर्ल्ड कपमध्ये खेळता येऊ शकते. अमेरिकेत हा जास्त प्रसिद्ध खेळ नाही. त्यामुळे कंपनी आता आपली विनंती मान्य करणार की नाही, हे टेंशन आता सौरभला असणार आहे. त्यामुळे आता सौरभला कंपनी मुभा देते की नाही, याकडे चाहत्यांचे लक्ष नक्कीच असेल.
सौरभने या वर्ल्ड कपमध्ये अमेरिकेला पहिली विकेट मिळवून दिली होती. त्यानंतर या सामन्यातील सुपर ओव्हर टाकत अमेरिकेसाठी इतिहास रचला होता. त्यानंतर सौरभने भारताविरुद्धच्या सामन्याच रोहित शर्मा आणि विराट कोहली या दोघांनाही बाद केले होते. त्यामुळे आता सुपर - ८ मध्ये सौरभ कशी कामगिरी करतो, याकडे तमाम क्रिकेट विश्वाचे लक्ष नक्कीच लागलेले असणार आहे.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-15T15:05:28Z dg43tfdfdgfd