प्रशिक्षक गॅरी कर्स्टन पाकिस्तान संघावर भडकले; चेतावणी देत म्हणाले, "सुधारा नाही तर..

मुंबई: टी-२० वर्ल्डकप २०२४च्या सुपर-८ मध्येही आपले स्थान पाकिस्तान संघ निर्माण करू शकले. पाकिस्तानच्या वर्ल्डकप मधील खराब कामगिरीनंतर पाकिस्तान संघावर भरपूर टीका झाली.वर्ल्डकप मध्ये पाकिस्तान संघाची प्रशिक्षक पदाची धुरा ही गॅरी कर्स्टन यांनी सांभाळली होती.भारतीय संघाचे माजी प्रशिक्षक राहिलेल्या गॅरी कर्स्टन यांनी आयर्लंडविरोधातील सामन्यानंतर झालेल्या बैठकीत प्रत्येक पाकिस्तानी खेळाडूची खरडपट्टी काढली आहे.

गॅरी कर्स्टन पाकिस्तान संघावर भडकले

गॅरी कर्स्टन आपला संताप व्यक्त करत म्हणाले, "पाकिस्तान संघ अजिबात एकजूट नाही, तुम्ही याला संघ म्हणत असाल, पण हा संघ अजिबात नाही. तुम्ही एकमेकांना अजिबात पाठिंबा देत नाही. प्रत्येकजण वेगवेगळा विचार करतो, मी अनेक संघासोबत काम केले आहे पण अशी स्थिती पाहिली नाही." गॅरी यांच्या या टीकेमुळे पाकिस्तान क्रिकेट क्षेत्रात खळबळ उडाली आहे तर गॅरी यांनी पत्रकार परिषद किंवा सार्वजनिकपणे अशी विधाने केलेली नाहीत. याशिवाय गॅरी हे दक्षिण आफ्रिकेला परतण्याच्या मार्गावर आहेत कारण पाकिस्तानचे काही खेळाडू मियामीहून दुबईमार्गे पाकिस्तानला जाणार आहेत तर कर्णधार बाबर आझमसह सहा जण फिरायला लंडनला जाणार आहेत.

पाकिस्तान संघामध्ये लवकरच बदल पाहायला मिळणार

जिओ सुपरने केलेल्या दाव्यानुसार, "पाकिस्तान क्रिकेटमध्ये ऐक्याचा अभाव हा एकमेव पैलू नव्हता, कर्स्टनने कौशल्य आणि तंदुरुस्तीच्या बाबतीतही संघावर ताशेरे ओढले आहेत, गॅरी यांनी फलंदाजांच्या शॉट निवडीवरही प्रश्नचिन्ह उपस्थित केले असून कोणता शॉट कधी खेळायचा हे कोणालाच माहीत नाही अशा शब्दांत संताप व्यक्त केला आहे, गॅरी यांनी एक चेतावणीही पाकिस्तानला दिली आहे की जे खेळाडू त्यांच्या खेळात सुधार करतील त्यांनाच संघात स्थान मिळणार अन्यथा संघातून काढू टाकणार."

गॅरी कर्स्टन आपल्या शांत आणि अबोल स्वभावासाठी ओळखले जातात आणि त्यांनी इतका संताप व्यक्त करणे थोडे आश्चर्यकारकच आहे. दरम्यान यावरुन पाकिस्तान संघ किती अडचणीत आहे याचीही कल्पना येत आहे तर लवकरात लवकर कठोर निर्णय घेण्याचीही गरज आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-06-18T03:39:50Z dg43tfdfdgfd