विराट कोहली पण झाला या कॅचचा दिवाना, व्हिडिओमध्ये पाहा नेमकं घडलं तरी काय...

कोलकाता : आरसीबी आणि केकेआरच्या सामन्यात एक भन्नाट झेल पाहायला मिळाला. या कॅचचा विराट कोहली हा दीवाना झाल्याचे पाहायला मिळाले. या कॅचचा व्हिडिओ सध्याच्या घडीला चांगलाच व्हायरल झाला आहे.

ही गोष्ट घडली ती सहाव्या षटकात. त्यावेळी आरसीबीचा यश दयाल हा गोलंदाजी करत होता, तर केकेआरचा धडाकेबाज फलंदाज अंगक्रिश रघुवंशी हा फलंदाजी करत होता. रघुवंशीने आतापर्यंत धमाकेदार फटकेबाजी केली आहे. त्यामुळे तो यावेळी किती धावा करतो याकडे सर्वांचे लक्ष लागले होते. या सहाव्या षटकाच्या अखेरच्या चेंडूवर रघुवंशीने जोरदार फटका मारला. हा चेंडू आता सीमारेषे पार होणार असे वाटत होते. कारण खेळाडू हा जास्त लांब नव्हता. त्यामुळे आता हा चौकार जाईल, असे वाटत होते. पण कॅमेरून ग्रीनने कमाल केली. ग्रीन हा जास्त दूर नसला तरी त्याने या चेंडूचा अचूक अंदाज घेतला आणि चेंडूबरोबर तो मागे धावायला लागला. पण चेंडू आता खाली पडणार असे वाटत असतानाच ग्रीनने हवेत उडी मारली आणि एका हातात हा कॅच पकडल्याचे पाहायला मिळाले. हा कॅच जेव्हा पकडला गेला तेव्हा बऱ्याच जणांना विश्वासच बसला नाही. कारण ग्रीनने एवढ्या वेगाने हा कॅच घेतला की, बऱ्याच जणांचा त्यावर विश्वास बसला नाही. त्यामुळे लोकांनी रिप्ले पुन्हा पुन्हा पाहिला. विराट कोहलीलाही यावर विश्वास बसला नाही.

विराट कोहलीला काही वेळाने हा कॅच घेतल्याचे समजले आणि तो भलताच खूष झाल्याचे पाहायला मिळाले. कारण ग्रीनने असा झेल पकडला आहे, यावर त्याचा विश्वास बसला नव्हता. त्यामुळे कोहली यावीळे ग्रीनजवळ आला आणि त्याने जोरदार सेलिब्रेशन केले. या सेलिब्रेशनचा व्हिडिओ सध्याच्या घडीला चांगलाच व्हायरल झाला आहे.

ग्रीनने हा कॅच पकडला आणि त्यामुळेच आरसीबीसाठी धोकादायक समजल्या जाणाऱ्या रघुवंशीला तीन धावावंर बाद करता आले. ग्रीनचा हा अप्रतिम झेल या आयपीएलमध्ये खास ठरला आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-04-21T12:59:52Z dg43tfdfdgfd