RASHID KHAN: ऐतिहासिक विजयानंतर राशिदने रोहित शर्मा सोबतचा फोटो शेअर केला; काय आहे नेमके कनेक्शन ?
मुंबई: टी-२० वर्ल्डकप २०२४मध्ये अफगाणिस्तानने जे अशक्य आहे ते तेही प्रयत्ना अंती मिळते हे खरं करून दाखवले. अफगाणिस्तानने या वर्ल्डकपमध्ये सर्वांनाच चकित करेल अशी कामगिरी केली सेमी फायनल फेरी गाठली. अफगाणिस्तानने डीएलएसपद्धतीनुसार बांगलादेशला ८ धावांनी पराभवाची धूळ चारण्यात यश मिळवले. या विजयानंतर सर्वच स्तरातून अफगाणिस्तानचे कौतुक होत आहे. कर्णधार राशिद खानने त्याच्या शोषलं मीडियावर एक पोस्ट शेअर केली आहे आता त्याची खूप चर्चा होत आहे.
अफगाणिस्तानने सेमी फायनल फेरी गाठण्यात असे बघायला गेले तर भारताचेही महत्वाचे योगदान आहे. भारतविरुद्ध ऑस्ट्रेलिया सामन्यात भारताने विजय मिळवला आणि ऑस्ट्रेलियाला सेमी फायनल फेरी गाठण्यात थोडी अडचण निर्मण झाली. ऑस्ट्रेलिया भारताविरुद्ध हरल्यामुळे बांगलादेशला सेमी फायनल फेरी गाठण्याचा मार्ग सोपा झाला. याचपार्श्वभूमीवर अफगाणिस्तानचा कर्णधार राशिद खानने इंस्टाग्रामवर एक पोस्ट केली आहे. या पोस्टमध्ये टीम इंडियाचा कर्णधार रोहित शर्मासह राशिद खानचा फोटो आहे. या फोटो काही राशिदने मुंबई से आया मेरा दोस्त असं केप्शन लिहिले आहे तर या फोटोसाठी राशिदने ये दोस्ती, हम नहीं तोड़ेंगे, हे गाणं वापरले आहे.
अफगाणिस्तानला सेमी फायनलपर्यंत पोहोचवण्यात रोहितचे विशेष योगदान असल्याचे नाकारू शकत नाही. ऑस्ट्रेल्याविरुद्ध सामन्यात रोहितने ९२ धावांची कर्णधाराला साजेशी खेळी खेळली. या खेळीचा फायदा टीम इंडियाला तर झालाच पण अफगाणिस्तानलाही झाला. रोहितच्या या महत्वपूर्ण खेळीमुळे भारताने २०५ इतकी धावसंख्या उभारण्यात मदत झाली. लक्ष्याचा पाठलाग करताना ऑस्ट्रेलिया संघाला मात्र ही धावसंख्या गाठता आली नाही.
विजयानंतर राशिद म्हणाला की, "आम्ही आमच्या मायदेशात गेल्यानंतर जोरदार जल्लोष साजरा करू, आमच्या देशासाठी ही अभिमानाची गोष्ट आहे, मला याबद्दल बोलण्यासाठी शब्दही अपुरे पडतील, ब्रायन लारा हे एकमेव होते ज्यांनी अफगाणिस्तान सेमी फायनल फेरी गाठेल असे भाकीत केले होते, जे आज आम्ही सत्यात उतरवले आहे, आज अखेर आमचे सेमी फायनलचे स्वप्न पूर्ण झाले.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-26T04:59:19Z dg43tfdfdgfd