वर्ल्डकपनंतर दिग्गज खेळाडूंचा पत्ता कट; झिम्बाब्वे दौऱ्यासाठी टीम इंडियात युवा खेळाडूंची एंट्री होणार

मुंबई : भारताचा आगामी झिम्बाब्वे दौरा जुलैच्या पहिल्या आठवड्यात असण्याची शक्यता आहे. गौतम गंभीर भारताच्या मुख्य प्रशिक्षकपदाची जबाबदारी स्वीकारण्याची शक्यता असल्याने गौतम आणि सिलेक्टर पाच सामन्यांच्या मालिकेसाठी एक टी-२० संघ निवडण्याच्या तयारीत आहेत ज्यात नवीन ज्यात युवा खेळाडूंना संधी मिळू शकते.

गंभीर यांनी बीसीसीआयला स्पष्टच सांगितले..

बीसीसीआयच्या एका सूत्राने टाईम्स ऑफ इंडियाला सांगितले की, "गंभीरचे हे स्पष्ट मत आहे की, प्रत्येक फॉरमॅटसाठी विशिष्ट खेळाडूंची आवश्यकता असेल. जेव्हा टी- २० क्रिकेटचा विचार केला जातो तेव्हा गौतम यांना आयपीएलमध्ये सातत्यपूर्ण कामगिरी करणाऱ्या खेळाडूंची आवश्यकता असेल, संघातील वरिष्ठ खेळाडूंकडे दुर्लक्ष करू नका कारण ते दीर्घकालीन स्वरूपांसाठी महत्वाचे आहेत."

झिम्बाब्वे दौऱ्यानंतर भारताला श्रीलंकेत तीन वनडे आणि तीन टी-२० सामने खेळायचे आहेत. भारताला एकूण एकोणीस कसोटी सामने खेळाचे असून हे सामने बांगलादेशविरुद्ध चार सामने आणि न्यूझीलंडविरुद्ध पाच सामने असणार आहेत. ऋषभ पंत, श्रेयस अय्यरही श्रीलंकेविरुद्धच्या वनडे संघात असण्याची शक्यता आहे तर संजू सॅमसन झिम्बाब्वेचा मुख्य यष्टिरक्षक असू शकतो आणि यश दयालचे नावही चर्चेत आहे.

भारताचा नवा वेगवान गोलंदाज मयंक यादवकडून झिम्बाब्वे दौरा मुकणार असल्याचे समजले आहे. आयपीएलमध्ये मयंकने आपल्या वेगवान गोलंदाजीने सगळयांवर प्रभाव पाडला होता. साईड स्ट्रेनमुळे मयांक सध्या झिम्बाब्वे दौऱ्यातून बाहेर पडू शकतो परंतु श्रीलंका दौऱ्यासाठी मयंकची तयारी जोरदार सुरु आहे. सध्या मयंक इतर नऊ तरुण खेळाडूंसह एनसीएमध्ये दौऱ्याची तयारी करत आहे. टाइम्स ऑफ इंडियाला एका सूत्राने सांगितले आहे की, "मयंक अजूनही ८०% ते ९०% गोलंदाजी करत आहे. झिम्बाब्वे दौऱ्यासाठी त्याला संघात समाविष्ट करणे कठीण होईल, श्रीलंका दौऱ्यासाठी मयंकची तयारी सुरु आहे."

टाइम्स ऑफ इंडियाला असेही कळले आहे की, भारताच्या टी-२० वर्ल्डकप संघातून राखीव म्हणून सोडण्यात आलेला शुभमन गिल काही काळापासून उजव्या हाताच्या बोटाच्या समस्येने त्रस्त होता आणि म्हणून शुभमनला शस्त्रक्रियेची गरज आहे की नाही याचा निर्णय एनसीए वैद्यकीय संघ घेईल."

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-06-19T07:29:03Z dg43tfdfdgfd