FRANK DUCKWORTH PASSED AWAY: डकवर्थ-लुईस नियम लिहिणाऱ्या फ्रँक यांचे निधन, ८४ व्या वर्षी क्रिकेटला केला अलविदा
क्रिकेटला डकवर्थ-लुईस-स्टर्न (DLS) नियम देणारे इंग्लिश सांख्यिकीशास्त्रज्ञ फ्रँक डकवर्थ यांचे वयाच्या ८४ व्या वर्षी निधन झाले. 'ESPNcricinfo.com' च्या रिपोर्टनुसार, डकवर्थचा मृत्यू २१ जून रोजी झाला. डकवर्थ यांनी त्यांचे सहकारी सांख्यिकीशास्त्रज्ञ टोनी लुईस यांच्यासमवेत DLS पद्धत विकसित केली. हा नियम पावसामुळे प्रभावित झालेल्या सामन्यांसाठी वापरला जातो.
१९९७ मध्ये प्रथमच क्रिकेट सामन्यात DLS पद्धत लागू करण्यात आली. चार वर्षांनंतर, म्हणजे २००१ मध्ये, आंतरराष्ट्रीय क्रिकेट संघटनेने (ICC) याला हिरवा सिग्नल दिला. फ्रँक डकवर्थ आणि टोनी लुईस यांच्या निवृत्तीनंतर स्टीव्हन स्टर्न या ऑस्ट्रेलियन सांख्यिकीतज्ज्ञाने या पद्धतीत काही सुधारणा केल्या. या कारणास्तव या नियमाला डकवर्थ-लुईस-स्टर्न असे नाव देण्यात आले. डकवर्थ आणि लुईस यांना जून २०१० मध्ये मेंबर ऑफ द ऑर्डर ऑफ द ब्रिटिश एम्पायर (MBE) पुरस्काराने सन्मानित करण्यात आले.
पाऊस किंवा इतर कारणांमुळे सामना सुरू ठेवण्यास अडथळा निर्माण झाल्यास डकवर्थ लुईस पद्धत लागू केली जाते. वेळ वाचवण्यासाठी ओव्हर्स कमी केले जातात, म्हणून अनेक DLS नियम लागू करताना अनेक पैलू विचारात घेतले जातात. जसे एखाद्या संघासाठी किती विकेट्स शिल्लक आहेत, किती षटके झाली आहेत आणि इतर अनेक पैलू देखील विचारात घेतले जातात. फ्रँक डकवर्थ यांनी १९६१ मध्ये लिव्हरपूल विद्यापीठातून भौतिकशास्त्रात पुढील शिक्षण घेतले. फ्रँकने १९६५ मध्ये धातुशास्त्रात पीएचडी पदवीही प्राप्त केली. त्यांनी अनेक वर्षे आंतरराष्ट्रीय क्रिकेट संघटनेसाठी सल्लागार सांख्यिकीशास्त्रज्ञ म्हणून काम केले आणि फ्रँक २०१४ मध्ये निवृत्त झाले.
दरम्यान हा नियम असा आहे की त्याने अनेक सामन्यांचे निकाल बदलून संघांना आनंदाची संधी दिली आहे. त्याच वेळी त्यांना दु:खही दिले आहे. मात्र, हे नियम अजूनही प्रेक्षकांना न समजणारे कोडे आहेत. या नियमांतर्गत आकडेमोड कशी केली जाते आणि कोणत्या संघासाठी लक्ष्य कसे ठरवले जाते आणि विजेता घोषित केला जातो, हे क्रिकेट चाहत्यांना तसेच अनेक खेळाडूंना खूप कठीण गेले आहे.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-25T17:27:28Z dg43tfdfdgfd