रोहित शर्मा घेणार कठोर निर्णय; अफगाणिस्तानविरुद्ध सामन्यात भारताची PLAYING XI अशी असणार
मुंबई : टी-२० वर्ल्डकप २०२४मध्ये टीम इंडियाची सलामी जोडीने काही उल्लेखनीय कामगिरी केली नाही. कर्णधार रोहित शर्मानेही सराव सामन्यात कर्णधाराला साजेशी खेळी केली होती परंतु वर्ल्डकपच्या सामन्यात काही विशेष रोहितला करता आले नाही. विराट कोहली तर पूर्णपणे न्यूयॉर्कच्या खेळपट्टीवर अपयशी ठरला. टीम इंडियाला आता सुपर-८ या फेरीत जरी स्थान मिळाले असले तरी क्रिकेटप्रेमींची नजर ही विराट कोहलीच्या कामगिरीवर असणार आहे तर रोहित आता संघ निवडीबाबत काही कठोर निर्णय घेणार आहे.
टी-२० वर्ल्ड कपमधील सुपर -८चा पहिला सामना २० जून रोजी बार्बाडोसमधील ब्रिजटाऊन येथील केन्सिंग्टन ओव्हल मैदानावर खेळवला जाईल. भारतविरुद्ध अफगाणिस्तान यांच्यात सामना रंगणार असून या सामन्यात कर्णधार रोहित शर्मा विराट कोहलीसोबत सलामी खेळी करता दिसणार नाही तर कदाचित यशस्वी जयस्वालला ही संधी मिळू शकते. विराट हा सलामीला न येता कदाचित तिसऱ्या क्रमांकावर येणार असल्याची चर्चा जोरदार रंगली आहे.
यशस्वी जयस्वालने टी-२० आंतरराष्ट्रीय क्रिकेटमध्ये १७ सामने खेळले असून १६१.९४च्या स्ट्राइक रेटने ५०२ धावा केल्या आहेत. यशस्वीने टी-२० आंतरराष्ट्रीयमध्ये एक शतक आणि चार अर्धशतके झळकावली आहेत. उजव्या आणि डाव्या हातांचे सलामीचे संयोजन पाहता यशस्वी जयस्वालला सलामीची संधी मिळू शकते. विराट कोहली तीन क्रमांकावर खेळेल तर यशस्वीच्या येण्याने टीम मधून शिवम दुबेला डच्चू मिळणार असण्याची शक्यता आहे.
टी-२० वर्ल्डकप २०२४मध्ये भारतीय संघाने तीन सामने खेळले असून एक सामना पावसामुळे वाहून गेला. या तीन सामन्यात अनुभवी फलंदाज विराट कोहली फ्लॉप ठरला आहे. कोहलीने आतापर्यंत १,४ आणि ० अशा धावा केल्या आहेत. भारतासाठी टी-२०आंतरराष्ट्रीय क्रिकेटमध्ये विराटने क्रमांक-३ वर फलंदाजी करताना खूप ४०४२ इतका धावा केल्या आहेत तर एक शतक आणि ३७ अर्धशतके झळकावली आहेत.विराट जर तिसऱ्या क्रमांकावर खेळला तर निश्चितच समोरच्या टीमला धूळ चारू शकतो त्यामुळे सुपर-८ च्या फेरीतीळ सामन्यात विराट तिसऱ्या क्रमांकावर आला तर क्रिकेटप्रेमींसाठी तर ही चांगलीच बातमी ठरेल.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-18T09:10:41Z dg43tfdfdgfd