VIRAT KOHLI: अमेरिकेतही विराट कोहलीचा दबदबा; टाइम स्क्वेअरवर किंग कोहलीचा विशाल पुतळा उभारण्यात आला
मुंबई: टी-२० वर्ल्डकपमध्ये भारताचा स्टार खेळाडू विराट कोहली काही विशेष कामगिरी करू शकला नाही. विराट चे चाहते काडीपासून नजरा लावून बसले आहे की विराट कधी कमबॅक करणार. या वर्ल्डकपमधील सामन्यात विराट ५० हुन कमी धावाच करू शकला त्यामुळे आता चाहत्यांना विराटला पुन्हा दमदार खेळताना पाहायचे आहे. किंग कोहलीचे चाहते केवळ भारतात नसून जगभरात असल्याचे नेहमीच दिसते. विराटची किती क्रेज आहे हे वेगळे सांगायला नको पण अशीच एक चकित करणारी गोष्ट थेट अमेरिकेत घडली आहे.
सध्या सोशल मीडियावर एक व्हिडीओ तुफान व्हायरल होत आहे. सोशल मीडियावर व्हायरल होत असलेल्या व्हिडीओमध्ये विराट कोहलीचा एक पुतळा दिसत आहे. टाईम्स स्क्वेअरवर विराटचा विशाल पुतळा उभा असल्याचे चित्र पाहायला मिळाले. विराट बऱ्याच वर्षांपासून मॅट्रेस बनवणारी कंपनी ड्युरोफ्लेक्सची जाहिरात करत आहे तर त्याला ड्युरोफ्लेक्सचा ब्रँड ॲम्बेसेडर म्हणून ओळखले जाते.
न्यूयॉर्कच्या टाइम्स स्क्वेअरमध्ये विराटचा पुतळा दिसल्यानंतर ड्युरोफ्लेक्सने हा व्हिडीओ शेअर केला. पोस्टमध्ये लिहिले आहे की, "विराट कोहलीच्या पुतळ्याचे नुकतेच टाइम्स स्क्वेअरवर अनावरण झाले. या राजाच्या(विराट) कर्तुत्वामुळे आपण जागतिक पातळीवर पोहोचून इतिहास घडवत आहोत." पोस्ट केलेल्या व्हिडीओ खाली चाहत्यांनी कमेंटची नुसती गर्दी केली आहे. या व्हिडीओवर भारतीय चाहते आणि पाकिस्तानी चाहते दोघेही कमेंट करत आहे.
Just Unveiled :A larger-than-life statue of Virat Kohli at the iconic Times Square.
This King's Duty, we are going global and making history!
We’re delivering great sleep and great health to Virat Kohli.#GreatSleepGreatHealth #ViratKohli #worldcup #cricket #CGI pic.twitter.com/5WpkZcwa7i
— Duroflex (@Duroflex_world) June 23, 2024 ]]>गेल्या दशकापासून विराट सतत त्याच्या कामगिरीने भारतचे नाव गाजवताना दिसत आहे. विराटने आजवर अनेक नवीन रेकॉर्ड रचले तर रेकॉर्ड मोडीसही काढले. विराटच्या कामगिरीचा ग्राफ पहिला तर तो नेहमीच उंचावत असलेला दिसला देशाचे नेतृत्वात करताना तो कधीच त्याच्या कामगिरीत कमी पडताना दिसला नाही. आयपीएलमध्ये ही सर्वाधिक धावांचा रेकॉर्ड गेले कित्यके वर्षे विराटच्या नावावरच आहे. कोणताही खेळवुड विराटच्या या रेकॉर्डच्या आसपासही जाऊ शकला नाही.
टी-२० वर्ल्डकपमध्ये भारताने उल्लेखनीय कामगिरी करत सेमी फायनल फेरी गाठली आहे. सेमी फायनल फेरीत टीम इंडियासोबतच किंग कोहली आता कसे प्रदर्शन करतो हे पाहणे महत्वाचे ठरणार आहे. सेमी फायनल सामन्यात विराटला खेळताना पाहणे म्हणजे चाहत्यांनासाठी सुखद अनुभव आहे. या वर्ल्डकपमध्ये विराट दोन वेळा शून्यावर बाद झाला आहे.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-26T06:29:37Z dg43tfdfdgfd