T20 WORLD CUP 2024 RULES : मॅच हरलात तर कॅप्टनवर दोन सामन्यांची बंदी, वर्ल्ड कपमध्ये आयसीसीने असा का काढला फतवा पाहा...
नवी दिल्ली : टी-२० वर्ल्ड कपसाठी आता आयसीसीने अजब फतवा काढल्याचे समोर येत आहे. जर संघाने सामना गमावला तर कर्णधारावर दोन सामन्यांची बंदी घातली जाऊ शकते, असे आता समोर आले आहे. आयसीसीच्या या निर्णयाने क्रिकेट वर्तुळात एकच खळबळ उडाली आहे.
नेमकं प्रकरण आहे तरी काय...
आपला पारंपरिक प्रतिस्पर्धी संघ मोठ्या स्पर्धेतून बाहेर व्हावा, असे काही संघांना वाटते. वर्ल्ड कपमध्ये भारत-पाकिस्तान, इंग्लंड-ऑस्ट्रेलिया यासारखे काही पारंपरिक प्रतिस्पर्धी संघ आहेत. पण एखाद्या संघाला कट-कारस्थानकरून जर काढत असेल तर ते आयसीसी कधीही खपवून घेणार नाही. पण ऑस्ट्रेलियाच्या संघाने मात्र इंग्लंडला टी-२० वर्ल्ड कपमधून बाहेर काढण्यासाठी कट केला आहे. हे दस्तुरखुद्द ऑस्ट्रेलियाच्या संघातील खेळाडूच सांगत आहेत.पॉइंट्स टेबलमध्ये कशी आहे परिस्थिती...
पॉइंट्स टेबलमध्ये जर 'ब' गट पाहिला तर त्यामध्ये ऑस्ट्रेलियाचा संघ सहा गुणांसह अव्वल स्थानावर आहे. दुसऱ्या स्थानावर इंग्लंडचा संघ नसून स्कॉटलंडचा संघ आहे. कारण स्कॉटलंडच्या संघाचे पाच गुण आहेत. इंग्लंडचे दोन सामन्यानंतर फक्त एकच गुण आहे आणि ते चौथ्या स्थानावर आहेत. स्कॉटलंडच्या संघाचा अखेरचा सामना हा ऑस्ट्रेलियाशी होणार आहे. जर स्कॉटलंडचा संघ हा सामना हरला तर त्यांचे पाच गुण राहतील, पण जर इंग्लंडने उर्वरीत दोन्ही सामने जिंकले तर त्यांचाही पाच गुण होतील. त्यामध्ये जर इंग्लंडने मोठ्या फरकाने हे दोन्ही सामने जिंकले तर त्यांना सुपर - ८ फेरीत पोहोचता येऊ शकते.ऑस्ट्रेलिया इंग्लंडला कशी वर्ल्ड कप बाहेर काढू शकते...
ऑस्ट्रेलियाचा सामना स्कॉटलंडबरोबर आहे. या सामन्यात जर स्कॉटलंडने ऑस्ट्रेलियाला हरवले तर त्यांचे सात गुण होतील आणि ते थेट सुपर - ८ मध्ये पोहोचतील. दुसरीकडे ऑस्ट्रेलियाचे आत्ताच सहा गुण आहेत. इंग्लंडने जरी पुढचे दोन्ही सामने जिंकले तरी त्यांचे पाच गुणच होतील. त्यामुळे दोन्ही सामने जिंकूनही इंग्लंडचा संघ वर्ल्ड कपच्या बाहेर जाऊ शकतो.ऑस्ट्रेलियाच्या खेळाडूनेच केले भांडा फोड...
ऑस्ट्रोलियाचा वेगवान गोलंदाज जॉस हेजलवूड म्हणाला की, "हो मला इंग्लंड संघाकडून धोका वाटतो. या स्पर्धेत आम्हाला इंग्लंडसोबत पुन्हा खेळण्याची वेळ येऊ शकते. आम्हाला टी-२० क्रिकेट सामन्यात इंग्लंडविरुद्ध खूप संघर्ष करावा लागतो. त्यामुळे जर आम्ही इंग्लंड संघाला स्पर्धेतून बाहेर काढाले तर हे आमच्या संघाच्या हिताचे असेल."आयसीसीचा नियम काय सांगतो, मार्शवर बंदी येणार आहे का...
जर मिचेल मार्शने स्कॉटलंडला सामना जिंकवण्यासाठी जाणीवपूर्वक प्रयत्न केले तर त्याच्यावर आयसीसीकडून दोन सामन्यांची बंदी येऊ शकते. मिचेल मार्शवर सुपर-८ मधील ३ पैकी २ सामन्यात त्यांच्या खेळावर बंदी येण्याचा धोका निर्माण होऊ शकतो. जर काही फेरफार केली तर मार्शवर आयसीसीच्या आचार संहिताचे कलम २.११ नुसार त्याच्यावर कारवाई केली जाऊ शकते.क्रिकेट हा सभ्य गृहस्थांचा खेळ आहे. पण त्यामध्ये जर कोणी कट, कारस्थान किंवा फिक्सिंग करत असेल तर त्याला आयसीसीने कधीच क्षमा केलेली नाही. पण आता या वर्ल्ड कपमध्ये मात्र अशा काही गोष्टी संघांत घडत असल्याचे समोर आले आहे. त्यामुळेच आयसीसीने आपले नियम आता कडक केले आहेत.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-13T13:27:50Z dg43tfdfdgfd