T20 वर्ल्डकप सुरु असताना ऋषभ पंतने केली मोठी घोषणा
मुंबई: टीम इंडियाचा स्टार विकेटकीपर फलंदाज ऋषभ पंत याने टी-२० वर्ल्डकप मधून टीम इंडियात दमदार कमबॅक केला आहे. या वर्ल्डकपमध्ये ऋषभने दमदार कमबॅक करत आपल्या फलंदाजीने सगळ्यांचे मन जिंकले. दीड वर्षाआधी ऋषभ एका जीवघेण्या अपघातातून थोडक्यात बचावला असून त्यानंतर किमान १६ महिने तरी तो क्रिकेट पासून दूर राहीला. या वर्ल्डकप मधून अखेर ऋषभने पुन्हा एकदा आंतरराष्ट्रीय क्रिकेटमध्ये पदार्पण केले. या वर्ल्डकपदरम्यान ऋषभने आता मोठी घोषणा केली आहे.
ऋषभ पंतने टी-२० वर्ल्डकपच्या मध्येच मोठी घोषणा केली आहे. युट्यूबमधून मिळणारी सर्व संपत्ती आणि विश्वचषकादरम्यान मिळणाऱ्या रक्कमेतील काही भाग दान करणार असल्याची घोषणा पंतने केली आहे. ऋषभ पंतच्या या निर्णायाचे सर्वच स्तरावर कौतुक होत आहे. ऋषभने १८ मे २०२४ रोजी यूट्यूब चॅनल सुरु केले होते. आतापर्यंत ऋषभने या युट्युब चॅनेलवर सात व्हिडिओ अपलोड केले आहेत. नुकताच पंतने एक लाख यूट्यूब सबस्क्राइबर्सचा टप्पा पूर्ण केला असून यूट्यूबकडून ऋषभला सिल्व्हर प्ले बटण पाठवण्यात आले आहे.
Rishabh Pant will donate all the earnings from YouTube for a good cause. 👌
- A lovely gesture by Pant. pic.twitter.com/08Z9f92yUB
— Johns. (@CricCrazyJohns) June 15, 2024 ]]>पंतने यूट्यूब कम्युनिटी पोस्टमध्ये सिल्व्हर प्ले बटण असलेली एक पोस्ट शेअर केली आहे. ज्यामध्ये त्याने म्हटले आहे की, "हे सिल्व्हर प्ले बटण आपल्या सर्वांचे आहे, आतापर्यंत एक लाख लोकांपर्यंत पोहोचलो आहे आणि आणखी लोकही सामील होत आहेत, हा माइलस्टोन चिन्हांकित करण्यासाठी, मी माझ्या स्वतःच्या कमाईतील काही योगदानासह YouTube मधून मिळणारी सर्व कमाई चांगल्या कामासाठी दान करणार आहे, या प्लॅटफॉर्मचा उपयोग चांगल्या बदलासाठी करूया".
टी-२० वर्ल्डकप मध्ये ऋषभने न्यूयॉर्कच्या संथ खेळपट्टीवर दमदार फलंदाजीचे प्रदर्शन केले. विराट-रोहितला जे जमले नाही ते पाने करून दाखवले म्हणूनच सगळ्यांनाच सुखद धक्का बसला आहे. बांगलादेशविरोधात झालेल्या सराव सामन्यात पंतने ५३ धावांची शानदार खेळी केली केली तर त्यानंतर आयर्लंडविरोधात पहिल्या सामन्यात नाबाद ३६ धावांचे योगदान दिले होते. पाकिस्तानविरुद्ध सामन्यात ४२ धावांचे महत्वाचे योगदान दिले तर अमेरिकेविरुद्ध सामन्यात १८ धावांची खेळी केली होती. पाकिस्तानविरोधात पंतने केलेली ४२ धावांची खेळी टीम इंडियाच्या विजयासाठी महत्वाची ठरली.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-17T08:26:45Z dg43tfdfdgfd