किंग कोहली, हिटमॅननंतर आता रवींद्र जडेजाही टी-२०मधून निवृत्त, इंस्टाग्रामवर पोस्टमध्ये लिहिला खास संदेश
Ravindra Jadeja Retirement: भारताने टी-२० विश्वचषक-२०२४ चे विजेतेपद पटकावताच अनुभवी फलंदाज विराट कोहलीने टी-२० आंतरराष्ट्रीय क्रिकेटमधून निवृत्ती जाहीर केली. यानंतर पत्रकार परिषदेत रोहित शर्मानेही टी-२० आंतरराष्ट्रीय क्रिकेटला अलविदा केला. आता या यादीत रवींद्र जडेजाचेही नाव जोडले गेले आहे. जडेजाने रविवारी इंस्टाग्रामवर पोस्ट करून टी-२० आंतरराष्ट्रीय क्रिकेटमधून निवृत्तीची माहिती दिली.
निवृत्ती घेतल्यानंतर जडेजाने लिहिले, "पूर्ण अंतःकरणाने कृतज्ञतेने मी टी-२० आंतरराष्ट्रीय सामन्यांना अलविदा म्हणतो. अभिमानाने सरपटणाऱ्या अविचल घोड्याप्रमाणे, मी नेहमीच माझ्या देशासाठी आणि इतर फॉरमॅटसाठी माझे सर्वोत्तम दिले आहे. यापुढेही असेच करत राहीन. हे माझ्या टी-२० आंतरराष्ट्रीय कारकिर्दीतील सर्वोच्च स्थान आहे. आठवणी, उत्साह आणि अटूट पाठिंब्याबद्दल धन्यवाद. यासोबतच जडेजाने इतर फॉरमॅटवरही मोठं वक्तव्य केलं आहे. तो म्हणाला- मी वनडे आणि कसोटी खेळत राहीन. दरम्यान रवींद्र जडेजा टी-20 विश्वचषक विजेता झाल्यानंतर भावूक झाला होता. त्याच्या डोळ्यातही अश्रू आले. त्यांना जल्लोष करण्यासाठी त्यांच्या भाजप आमदार पत्नी रिवाबा जडेजाही स्टेडियममध्ये उपस्थित होत्या.
टी-२० विश्वचषक २०२४ मधील जडेजाची कामगिरी
रवींद्र जडेजा अमेरिका आणि वेस्ट इंडीज यांच्या वतीने खेळल्या गेलेल्या टी-२० विश्वचषक २०२४ मध्ये काही खास कामगिरी करू शकला नाही. तो चेंडू आणि फलंदाजीत प्रभाव पाडण्यात अपयशी ठरला. सध्याच्या स्पर्धेत त्याने एकूण आठ सामने खेळले आणि केवळ ३५ धावा केल्या. त्याचवेळी त्याला एकच विकेट मिळाली. तरीही ही कामगिरी त्याच्या उंचीची व्याख्या करत नाही. जगातील सर्वोत्तम अष्टपैलू खेळाडूंमध्ये त्याची गणना होते. क्षेत्ररक्षण हा त्याचा यूएसपी. जॉन्टी रोट्सनेही त्याचे कौतुक केले आहे.अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-30T12:31:34Z dg43tfdfdgfd