सुपर-८चे वेळापत्रक जाहीर; टीम इंडिया कधी, कुठे, कोणाशी भिडणार पहा..

मुंबई: टी-२० वर्ल्डकप २०२४च्या प्राथमिक टप्पा १९ जूनला वेस्ट इंडिजमध्ये सुरु होणार असून २३ जूनला त्रिनिदाद आणि ग्रोस आयलेटमध्ये गट क सामन्यांसह संपेल. १९ जूनपासून सुरू होणाऱ्या आगामी टप्प्यातील चार उपांत्य फेरीसाठी आठ संघ लढतील.

आयसीसी स्पर्धेच्या स्वरूपानुसार वर्ल्डकपच्या प्राथमिक फेरीतील प्रत्येकी चार गटांतील अव्वल दोन संघ सुपर आठमध्ये स्थान मिळवतात. या वर्षी अ गटातून भारत आणि अमेरीका, ब गटातून ऑस्ट्रेलिया, क गटातून अफगाणिस्तान आणि वेस्ट इंडीज तर ड गटातून दक्षिण आफ्रिका या संघाना स्थान मिळाले आहेत. किंग्सटाउनमध्ये बांगलादेशविरुद्ध नेपाळ आणि ग्रोस आयलेटमध्ये श्रीलंकाविरुद्ध नेदरलँड्स यांच्यात २३ जूनला रंगणार असून सामन्यांनंतर गट ड मधून अंतिम संघ निश्चित केला जाईल आणि या अंतिम स्थानासाठी बांगलादेश आणि नेदरलँड्स लढत आहेत.

भारत, ऑस्ट्रेलिया, अफगाणिस्तान, वेस्ट इंडिज आणि दक्षिण आफ्रिका हे एकमेव संघ आहेत ज्यांनी सुपर-८ मध्ये एकही सामना न गमावता पोहोचले आहे तर दुसरीकडे, अमेरिकाआणि इंग्लंडने ग्रुप स्टेजमध्ये भारत आणि ऑस्ट्रेलियाकडून पराभव पत्करूनही सुपर-८मध्ये स्थान मिळवले आहे. भारत, ऑस्ट्रेलिया, अफगाणिस्तान आणि बांगलादेश किंवा नेदरलँड्सपैकी कोणतातरी एक संघ गट १ मध्ये तर वेस्ट इंडिज, दक्षिण आफ्रिका, इंग्लंड आणि अमेरिका गट २ मध्ये समाविष्ट केले गेले आहेत.

सुपर-८ चा टप्पा १९ जूनपासून अँटिग्वा येथे अमेरिका आणि दक्षिण आफ्रिका यांच्यातील सामन्याने सुरू होईल, तर ग्रॉस आयलेटला याच दिवशी यजमान वेस्ट इंडिज आणि इंग्लंड यांच्यात सामना रंगेल. २० जूनला भारताची बार्बाडोस येथे अफगाणिस्तानशी लढत होणार आहेत. या स्पर्धेतील भारताचा वेस्ट इंडिजमधील हा पहिलाच सामना असेल.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-06-16T11:38:44Z dg43tfdfdgfd