AUS: लागोपाठ दोन सामन्यातील पराभवानंतरही ऑस्ट्रेलिया गाठणार सेमी फायनल फेरी; समीकरण जाणून घ्या..
सेंट लुसिया: टी-२० वर्ल्ड कप मधील सर्वात रोमांचक सामना ऑस्ट्रेलिया विरुद्ध भारत यांच्यात बोसेजु स्टेडियमवर रंगला. ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला परंतु सपशेल अपयशी ठरताना दिसला. प्रथम फलंदाजी करताना टीम इंडियाने २०६ चे लक्ष्य ऑस्ट्रेलियाला दिले परंतु लक्ष्य प्राप्त करताना ऑस्ट्रेलिया संघ २० षटकात ७ बळी गमावून केवळ १८१ इतकीच धावसंख्या उभारू शकले. भारतीय गोलंदाजांच्या भेदक मारासमोर कांगारू संघ गडगडले आणि विजयासोबतच भारताने सेमी फायनल फेरी सहज गाठली.
ऑस्ट्रेलियाच्या लाजिरवाण्या पराभवानंतर त्यांना आता सेमी फायनल फेरी गाठणे अवघड झाले आहे. ऑस्ट्रेलिया सेमी फायनलमध्ये पोहोचू शकते जर बांगलादेशविरुद्ध अफगाणिस्तान सामन्यात बांगलादेशने विजय मिळवला. ऑस्ट्रेलिया संघ आता बांगलादेशच्या विजयाची प्रार्थना करताना दिसणार आहे. भारताविरुद्ध पराभवानंतर मिचेल मार्शने सेमी फायनल फेरीच्या ऑस्ट्रेलिया संघाच्या अशा कसा जिवंत आहेत याबद्दल सांगितले, " आमचा पराभव झाला हे खर्च निराशाजनक आहे, पण नेट रन रेटच्या जीवावर आम्हाला संधी अजूनही आहे आणि आज भारत नक्कीच आमच्यापेक्षा चांगला खेळला, माझ्या मते ४० षटकांमध्ये फारच कमी फरक होता, पण खरे सांगायचे तर भारत हा सर्वोत्तम संघ होता."
रोहित शर्मा कोणत्या दर्जाचा खेळाडू आहे, हे आपण गेल्या १५ वर्षांपासून पाहत आहोत, रोहितने आजही दमदार कामगिरी केली, या प्रकारच्या धावांचा पाठलाग करताना, जर तुम्ही रनरेट राखू शकत असाल तर तुम्ही त्या सामन्यात राहू शकता, शेवटी भारताचे गोलंदाज अतिशय धोकादायक ठरले, चला आता बांगलादेश काय करते पाहू" मिचेल म्हणाला.
भारताने नाणेफेक गमावल्यानंतर प्रथम फलंदाजी करताना रोहित शर्माने सात चौकार आणि आठ षटकारांसह सर्वाधिक ९२ धावांची तुफानी खेळी खेळली. ऋषभ पंतने १५, सूर्यकुमार यादवने ३१, शिवम दुबेने २८ आणि हार्दिक पंड्याने नाबाद २७ धावा उभारल्या. विराट कोहली मात्र अजूनही कमबॅक करताना दिसला नाही ऑस्ट्रेलिया विरुद्ध सामन्यातही विराट खाते न उघडताच बाद झाला. भारतीय गोलंदाजांनी भेदक मारा सुरु केला आणि अखेर तो विजय मिळवूनच थांबवला. डावखुरा वेगवान गोलंदाज अर्शदीप सिंगने सर्वाधिक ३ बळी तर कुलदीप यादवने ३ बाली घेतले. जसप्रीत बुमराह आणि अक्षर पटेलने प्रत्येकी १-१ बळी काढले.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-25T02:55:11Z dg43tfdfdgfd