VIRAT KOHLI: भारतीय माजी खेळाडू विराट कोहलीच्या खराब फॉर्मवर भडकले, म्हणाले "विराट अ‍ॅग्रेशन थोडं कमी कर.."
मुंबई: टी-२० वर्ल्डकप मधील भारताचा तिसरा सामना अमेरिकेविरुद्ध रंगला. न्यूयॉर्कमधील नासाऊ काऊंटी स्टेडियमवर कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. भारतीय गोलंदाजांनी अमेरिकेला केवळ ११० धावांवरच रोखले. लक्ष्यप्राप्ती करताना मैदानात सलामी खेळी खेळायला आलेल्या विराट कोहली आणि रोहीत शर्मा या जोडीला विशेष कामगिरी करता आली नाही. विराट तर शून्यावर माघारी परतला तर वर्ल्डकप मधील तिन्ही सामान्यात केवळ ५ धावाच करू विराट शकला. विराटच्या फॉर्मबद्दल आता जोरदार चर्चा रंगली असून माजी भारतीय खेळाडू मोहम्मद कैफ यांनीही आता विराटच्या फॉमबद्दल चर्चा केली आहे.
मोहम्मद कैफ विराटच्या जागेबद्दल म्हणाले,
भारतीय माजी फलंदाज मोहम्मद कैफ विराटच्या फॉर्म आणि संघातील स्थानाबद्दल म्हणाले, "विराट कोहली पाकिस्तानसाठीच नाही तर सर्व संघांसाठी घातक ठरू शकतो, कोणताही संघ विराटला सर्वप्रथम बाद करण्याच्या प्रयत्नात असतो, मला असं वाटतं की,विराटने अग्रेशन थोडं कमी कराव आणि त्याने सलामीला येऊ नये, या खेळपट्टीवर विराटने नंबर तीनवर खेळणे योग्य ठरेल, विराट जर तीन नंबरवर खेळला तर अखेरपर्यंत झुंज देऊ शकतो".सौरभ ठरला पहिला गोलंदाज
युएसएने दिलेल्या १११ धावांचे लक्ष्य प्राप्त करताना भारतीय वंशाच्या सौरभ नेत्रावलकरने अमेरिकेसाठी पहिले षटक टाकले आणि षटकाच्या पहिल्या चेंडूवर १ धाव घेतल्यानंतर रोहित शर्माने विराट कोहलीला स्ट्राइक दिली. दुसऱ्या चेंडूंवर कोहलीच्या बॅटला कट लागून चेंडू थेट अँड्रिज गौसच्या हातात गेला आणि विराटने विकेट गमावली त्यामुळे कोहलीला आयसीसी स्पर्धेत गोल्डन डकवर बाद करणारा सौरभ नेत्रवालकर पहिला गोलंदाज ठरला.मुंबईकरांचा अमेरिकेवर दबदबा
भारताकडून फलंदाजीत सूर्यकुमार यादवने सर्वाधिक नाबाद ५० धावांची खेळी करत टीम इंडियाची घसरलेली खेळी सांभाळली. सूर्याने २ चौकार आणि २ षटकारांसह ही नाबाद खेळी केली तर त्याला साथ मिळाली ते शिवम दुबेची. शिवम दुबेनीही नाबाद ३१ धावा केल्या आणि शिवम- सूर्या या मुंबईकर जोडीने भारताला विजय मिळवून दिला. अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-06-13T03:26:14Z dg43tfdfdgfd