RCB: आरसीबी चाहत्यांसाठी गुड न्यूज; विराटच्या नेतृत्वातखाली खेळला, आता बनला संघाचा गुरु

मुंबई: दिनेश कार्तिकने रॉयल चॅलेंजर्स बेंगळुरू संघाकडून शेवटचा सामना खेळला. २०२४च्या हंगामात दिनेशने आपली आयपीएल कारकीर्द संपवली. या वर्ल्ड कपमध्ये समालोचकाच्या भूमिकेत दिसला. आयपीएलमधून जरी दिनेशने निवृत्ती घेतली असली तरी आरसीबी संघाकडून एक महत्त्वाच्या भूमिकेत दिसणार आहे.

कार्तिक दिसणार नव्या भूमिकेत

दिनेश कार्तिकवर आरसीसीबीने एक महत्त्वाची जबाबदारी सोपवली आहे. आयपीएल २०२५ पूर्वी कार्तिकला आरसीबीचे फलंदाजी प्रशिक्षक आणि मार्गदर्शक बनवले आहे. याबाबतची माहिती आरसीबीने सोशल मीडियावर एक पोस्ट शेअर करून दिली आहे. पोस्ट मध्ये असे लिहिले होते की, “कार्तिक आरसीबीमध्ये नव्या भूमिकेत परतत आहे, दिनेश कार्तिक आरसीबी पुरुष संघाचा फलंदाजी प्रशिक्षक आणि मार्गदर्शक असेल, एखादा क्रिकेटर क्रिकेटमधून बाहेर होऊ शकतो पण त्याच्यातले क्रिकेट कधीच बाहेर जात नाही."

या निर्णयावर कार्तिक म्हणाला...

दिनेश कार्तिक या निर्णयावर म्हणाला,"व्यावसायिक स्तरावर प्रशिक्षण देणे माझ्यासाठी आश्चर्यकारकपणे रोमांचक आहे आणि माझ्या आयुष्यातील हा नवीन अध्याय म्हणून मी खरोखरच उत्कट आहे, आशा आहे की एक खेळाडू म्हणून माझ्या अनुभवांची व्याप्ती गटाच्या विकासात योगदान देऊ शकेल आणि अतिरिक्त मूल्य आणू शकेल." दिनेश कार्तिकची आयपीएलमधील आतापर्यंतची कामगिरी पाहिली तर तो उत्कृष्ट राहिला आहे. कार्तिकने २५७ सामने खेळले असून ४८४२ धावा केल्या आहेत. या सामन्यांमध्ये कार्तिकने २२ अर्धशतके झळकावली आहेत तर नाबाद ९७ धावा ही दिनेशची सर्वोत्तम धावसंख्या आहे. कार्तिकसाठी आयपीएलचा शेवटचा हंगाम चांगला गेला मात्र, त्यानंतर कार्तिकने निवृत्ती जाहीर केली.

कार्तिकने तीन फॉरमॅटमध्ये १८० सामन्यांमध्ये देशाचे प्रतिनिधित्व केले आहे. देशाकडून खेळताना दिनेशने एकमेव कसोटी शतक आणि १७ अर्धशतकांसह ३४६३ धावा केल्या. कार्तिकने २०२२ रोजी बांगलादेशविरुद्ध त्याचा शेवटचा सामना खेळला आणि आंतरराष्ट्रीय क्रिकेटमधूनही निवृत्ती घेतली. आयपीएलमधील दमदार कामगिरी नंतरही दिनेशला भारतीय संघात स्थान मिळाले नाही आणि अखेर कार्तिकने त्याचा ३९ वा वाढदिवसादिवशी आंतरराष्ट्रीय क्रिकेटमधूनही निवृत्ती जाहीर केली.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-01T07:04:35Z dg43tfdfdgfd